кімді қалайсың?

Қазақтың ұлттық ойыны. Алдымен ойын бастаушы және «жазалыға» үкім шығарушы хан тағайындалады. «Кімді қалайсыңның» ескі нұсқасында өзі қалаған кісіні оның көршісінен сұрайды, ол келіспесе, оны хан шешімі бойынша «жазалайды». Жаңа нұсқада бастаушы қыз-жігіттерді жұптастырып отырғызады да, көршілестерінің бірінен «кімді қалайсың?» деп сұрайды. Сонда ол ұнатқан кісінің рет санын дәл тауып, оны қасына алады, не жаңылысса, «жаза» тартады. Жаза түрі ән, би т.б. болып келеді. Кей жерлерде бұл ойын «қассыңба, доссың ба?», «көрші» деп те аталады.